Апарламенттә аиҳара алахәыла  Михаил  Сарџьвелаӡе иҳәамҭала, Урыстәыла, ганкала, Қырҭтәыла атәылауаа авизатә режим анзышьақәнаргыла, мраҭашәаратә ҳәынҭқаррақәагьы ари аӡбара аҧсахра иаҳәон, избанзар, еиуеиҧшым афакторқәа иҟан, урҭ рыгәҭа агуманитартә факторқәагьы.

Иара убас, Сарџьвелаӡе ишиҳәаз ала, асанкциақәа ззышьақәыргылоу аҳаирпланқәа Қырҭтәылаҟа иаарышьҭуам.

«Қырҭтәыла анапхгара ишакәым ала рыхцәажәаразы изакәызаалак мзызк иҟам.  Қырҭтәыла акәӡам авизатә режим аҧыхразы аӡбара здызкылаз. Аӡә ак ихараҳҵар ҳҭахызар, еилыккаа иаҳҳәароуп Урыстәыла абри аҩыза аӡбара рыдрымкыларц азыҳәан Қырҭтәыла иҟанаҵараны иҟази.  Аҭакҧхықәрадатә ақырҭуа политикцәа иҟарҵо аҳәамҭақәа ииашам, дара ииашам аинформациа аладырҵәоит.  Қырҭтәыла аиҳабыра иаартны рпозициа рҳәеит –  асанкциақәа ззышьақәыргылоу аҳаирпланқәа аҧырразы азин роуам. Заанаҵы агәамҵразы изакәызаалак мзызк иҟам. Қырҭтәыла аиҳабыра асанкциақәа шьақәзыргылаз аҳәынҭқаррақәеи аиҿкаарақәеи ламысла аус рыцыруеит, аха, дара рхаҭа асанкциақәа шьақәдыргылом», — иҳәеит Михаил Сарџьвелаӡе.