«British Airways-и ҳареи аиқәшаҳаҭра ҳабжьаҳҵеит, 2025 шықәса инаркны ари авиаеилахәыра мчыбжьыкахь ҧшьынтә Лондони Қарҭи рыбжьара ишиашо ареисқәа мҩаҧнагоит», — илҳәеит аекономика аминистр ихаҭыҧуаҩ Мариам Қвривишвили.

Лара лажәақәа рыла,  иахьа Лондон ахырхарҭала абилеҭқәа рыҭира иалагеит.

«British Airways аҧыррақәа реихшанҵа Америкаҟа атранзиттә реисқәа ирықәшәоит,  убри аҟынтә,  ҳара Британиеи Америкеи рҟны аимадара еиҕьаҳтәуеит.  Жәларбжьаратәи аренаҿ ҳтәыла ахьӡ иаҳа ишьҭыҵуеит.

Ишиашо ареисқәа рыбзоурала, Британиантә аҭааҩцәа иаҳа ирацәахоит.  Америкаҟа ишиашо ареисқәа реиқәыршәаразы азҧхьагәаҭарақәа еиҕьхеит. Ҳара ҳзы ари апроект аҵакы ҷыда амоуп. Хышықәса еиҳаны ааҧсарак рымамкәа абри ақәҿиара иазықәҧоз ауаа зегьы ҭабуп ҳәа расҳәоит», — илҳәеит Қвривишвили.