«Иахьа  «Қырҭтәыла ҕәҕәа» аполитхеилак  апарламенттә сиақәа раҧыхреи амандатқәа рышьҭаҵареи иазку аӡбара иақәшаҳаҭхеит», — иҩит акаолициа  «Қырҭтәыла ҕәҕәа» алидер Мамука Хазараӡе асоциалтә аҳаҿы.

Иара иажәақәа рыла, аполитхеилак алахәылацәа реиҳара ари аӡбара иақәшаҳаҭхеит.

«Ахаҭарнакратә мандат зауз аполитикатә субиектк иадамхаргьы,  «Ақырҭуа гәахәтәы» апарламент алегитимра ананашьар ҟалом, аполитикатә субиектқәа зегьы рмандатқәа шьҭарҵароуп, уи аҵакы ҷыда амоуп», — иҳәеит  Хазараӡе.

Уажәазы амч змоу азакәан инақәыршәаны, амандатқәа рышьҭаҵара иазку арзаҳал алаҵара ҟалоит апарламент ҿыц алахәылацәа  рзинмчы ахьазхарҵо апарламент раҧхьатәи аилатәара ашьҭахь.  Убри аҟынтә, ҳара  амандатқәа зауз аполитикатә мчқәа зегьы ирыдаагалоит азакәан ала ишьақәыргылоу аҧҟара инақәыршәаны,  абри апроцессуалтә шьаҿа ҟаҵаны,  асиақәа раҧыхреи амандатқәа рышьҭаҵареи иазку азыҳәамҭа аицҟаҵара, убри ала, ари атемазы еиуеиҧшым аинтерпретациақәеи аспекулиациақәеи рҵыхәа ҧаҳҵәоит. Ҳара абри аполитикатә акт атәыла ахада лҽалархәрала анагӡара ҳазыхиоуп», — иҩит  Хазараӡе асоциалтә аҳаҿы.