«Ҳәарада, ҳара ари аихшьаала ҳақәшаҳаҭым. Аихшьаала шьаҭанкыла аҭҵааразы аамҭа ҳамамызт, аха, ахадаратә ҭагылазаашьақәа ҳрыхәаҧшит,  аихшьаала атенденциатә ҟазшьа амоуп, — илҳәеит Аконституциатә аӡбарҭаҿы атәыла ахада лхаҭарнак Маиа Копалеишвили ахада ладминистрациаҿы имҩаҧгаз абрифинг аҿы.

Копалеишвили лҳәамҭала, абри аҩыза аихшьаала ала, аӡбарҭа аполитикатә процесс аҽаланагалеит.

«Рыцҳарас иҟалаз, Аконституциатә аӡбарҭа аполитикатә азнеишьа изацәымцеит. Фактла иуҳәозар, Аконституциатә аӡбарҭа ари азҵаара ахәаҧшразы апарламентахь идәықәнаҵеит, ишыжәдыруа еиҧш, апарламент  – аколлегиалтә органуп, иаҭаху абыжьқәа зыҟалом. Аконституциатә аӡбарҭа уи иақәгәыҕуеит. Аӡбарҭа Аконституциала иазҧхьагәаҭоу аконституциатәи аинституциатәи аиҿкаара абас иазныҟәозар,  уи угәы иалсратәы иҟоуп», — илҳәеит Маиа Копалеишвили.

Аконституциатә аӡбарҭа ишьақәнаргылеит атәыла ахада Саломе Зурабишвили Аконституциа шеилалгаз.