«Амшынеиқәатәи аӡаҵантәи акабель апроект Евроеидгылахь аинтеграциа апроцессаҿ ҳара ҳзы аҵакы ду амоуп. Абри апроект ду анагӡаразы 4 ҳәынҭқаррак рҽеидыркылеит», — иҳәеит Қырҭтәыла актәи авице-аҧыза, аекономикеи иҭышәынтәалоу аҿиареи рзы аминистр  «Аҿиареи афымца иаҵәа аҭареи аусхкқәа рҿы астратегиатә партниорра иазку» аиқәшаҳаҭра аҳәаақәа ирҭагӡаны Бухарест имҩаҧгаз аихшьаалатә пресс-конференциаҿы данықәгылоз.

Аминистрцәа реиҧылара аҳәаақәа ирҭагӡаны,  апроект иалахәы аганқәа рхаҭарнакцәа аенергетикатә еилахәырақәа рзеиҧш наплакы аҧҵара иазку аиқәшаҳаҭра рнапы аҵарҩит.

Аенергетикатә шәарҭадара аҵакы даналацажәоз аминистр ишиҳәаз ала,  аӡаҵантәи афымцатә кабель апроект Европа ашәарҭадара аиқәыршәара иацхраар ауеит.

«Ари апроект аҵакы ҷыда амоуп,  избанзар,  ҳара,  Евроеидгылаҟны ишиашо адгьылтә аҳәаа ҳамам,  Амшын еиқәа мацаралоуп ишеидҳәалоу. Аахыҵ Кавказаҿ иҟоу ишәарҭам аенергиа ахархәара алшара аҵакы ду амоуп. Аахыҵ Кавказаҿ, лымкаала, Қырҭтәылеи Азербаиџьани зырҿыцра ҟало аенергиа арҿиара ахырхарҭала аусура ду мҩаҧысуеит. Ҳара,  аҩ-тәылак,  Европа зегьы аенергиа иаҵәала еиқәҳаршәар ҳалшоит. Агәра ганы сыҟоуп абри ахырхарҭала Қырҭтәылеи Евроеидгылеи акыраамҭала аус шеицыруа», — иҳәеит  Леван Давиҭашвили.