«Апрезиденттә алхрақәа ҳәаақәҵоуп азакәан ала, апарламент ианеизалак, аконкреттә амш алырхуеит, апроцедурақәа зегьы ажьырныҳәа агәҭаны ихыркәшахоит», — иҳәеит апарламентаҿ иҟоу апроцедуратә зҵаарақәа рзы акомитет ахантәаҩы Иракли Қадагишвили.

Иара иажәақәа рыла, атәыла ахада далырхуеит апарламентаҿ,    300ҩык алхыҩцәа рыла.

«Ари апроцесс апарламентаҿ имҩаҧгахоит, атәыла ахада далырхуеит апарламентаҿ еизо   300ҩык алхыҩцәа  — уи апарламент аилазаара наӡеи, Аҷаратәи  Аҧснытәи автономтә республикақәа рзакәанҧҵаратә органқәа рхаҭарнакцәеи роуп, егьырҭ аҭыҧқәа  еицтәараны еиҩыршоит  апартиақәа ақалақьтә Сакребулоқәа рҿы ироуз абыжьқәа инрықәыршәаны.

Атәыла ахада иҭыҧ азы акандидат дақәдыргылар рылшоит  300ҩык алхыҩцәа рҟынтә  30ҩык,  аха, акандидат заҵәык иқәыргылара ҟалоит. Актәи аетапаз акандидат  2/3 абыжьқәа иоуроуп, аха, имоур, абжьыҭира аханатә имҩаҧгахоит, усҟан атәыла ахада далырхуеит абыжьқәа реиҳара ала. Абарҭ апроцедурақәа ажьырныҳәа агәҭаны ихыркәшахоит», — иҳәеит  Қадагишвили.