«Аҧыза-министр апарламентахь днеицыҧхьаӡа, адебатқәа рҿы  10:0 ҳәа аиааира игон, ахәашазы, анеиҩстәи адебатқәа рҿы  100:0 ҳәа аиааира игоит. Уи лабҿабароуп, фактуп. Убри аҟынтә, аҧыза-министр аинтерпеллиациақәа рахьгьы иҧхьом», — иҳәеит  «Ақырҭуа гәахәтәы» ахантәаҩы  Иракли Кобахиӡе.

Иара иажәақәа рыла, аоппозициаа ишаҵахаз иазхарҵеит.

«Аоппозициаа убри аҟара иаҵахахьеит,  10:0 ҳәагьы,  100:0 ҳәагьы, уажәшьҭа аинтерппелиациақәа рахьгьы иҧхьом, ишаҵахаз иазхарҵеит.  Ахәашазы, анеҩстәи адебатқәа рҿы аҧыза-министр  100:0 ҳәа аиааира игоит.  Ҳәарада, ҳуааҧсыра уи ирбоит. Ахықәкы  – шықәсыктәи аҳасабырбара ацәыргара. Аҵыхәтәантәи ашықәс азы иҟаҵаз, реформақәас имҩаҧгаз, шьаҿақәас иҟаҵаз, абри зегьы далацәажәоит», — иҳәеит  Иракли Кобахиӡе.

Қырҭтәыла аҧыза-министра апарламент апленартә аилатәараҿы дықәгылоит рашәара  30 рзы.   Иракли  Ҕарибашвили азакәанҧҵаратә орган шықәсыктәи аҳасабырба азцәыригоит.