Апартиа «Ақырҭуа гәахәтәы» ахантәаҩы Иракли Кобахиӡе иҳәамҭала, апарламенттә аиҳара Амилаҭтә банк ахеилак алахәызааразы атәыла ахада иқәлыргылаз акандидатурақәа ирыдгылом.

Кобахиӡе ишиҳәаз ала, акандидатцәа апарламент адыргалеит аконсультациақәа мҩаҧымгакәа.

«Ари атема иадҳәаланы ҳгәаанагара ҳҳәахьеит. Апарламенттә аиҳара аҩныҵҟа аконсультациақәа мҩаҧаагеит. Ишыжәдыруа еиҧш, апарламенттә аиҳара роуп ари азҵааразы аӡбара здызкыло. Аконсультациақәа мҩаҧымгакәа иқәдыргыло акандидатурақәа ҳрыдгылом. Иарбанызаалак адемократиатә ҳәынҭқарраҿы астандарттә практика иҟоуп  – амаҵзуратә хаҿқәа рықәыргылара азҵаара ҩ-органк рнапы ианызар,  аӡбара рыдыркылаанӡа аконсультациақәа мҩаҧыргароуп.  Насгьы,  зыӡбахәы ҳәоу акандидатцәа ирыдҳәаланы аинформациа сымам. Руаӡәы, ишиашо,  аконкреттә политикатә мчы  — «Амилаҭтә ҵысра» дадҳәалоуп, —  иҳәеит  Кобахиӡе.