«Ҳара акандидат астатус аиуразы асубиективтә интерес ҳамоуп,  акандидат астатус ҳаур ҳҭахуп, избанзар, ари астатус  «Ақырҭуа гәахәтәы» арҕәҕәоит, ҳреитинг азы анырра ду амазаауеит», — иҳәеит  «Ақырҭуа гәахәтәы» ахантәаҩы  Иракли Кобахиӡе.

Иара иажәақәа рыла, аоппозициаа атәыла акандидат астатус аиур рҭахым.

«Аоппозициаа рриторика шәахәаҧш. Дара  рмедиахархәагақәа рыла иааҟәымҵӡакәа аҳәара иаҿуп Қырҭтәыла акандидат астатус ахәҭам ҳәа. Лабҿаба иубарҭоуп асубиективтә интересқәа зеиҧшроу. Ҳара асубиективтә интерес ҳамоуп, акандидат астатус ҳаур ҳҭахуп. Аоппозициаа акандидат астатус даараӡа иацәшәоит, избанзар, ҳара иаҳа ҳаҕәҕәахоит. Ҳазынтәгьы амзыз ҳамоуп, ус акәӡами? Ҳара акандидат астатус аиуразы асубиективтә мзыз ҳамоуп, дара абри амзызла акандидат астатус ҳаур рҭахым. Араҟа зегьы еилкаауп, егьирахь зегьы  — баша аспекулиациоуп. Кубилиуси Саакашвилии  аҧшәмак дрымоуп», — иҳәеит  Кобахиӡе.