«Қырҭтәыла ахада изныкымкәа Аконституциа анеилалга ашьҭахьоуп ҳара аполитикатә аӡбара анҳадаҳкылаз», —  иҳәеит апартиа  «Ақырҭуа гәахәтәы» ахантәаҩы  Иракли Кобахиӡе Аконституциатә аӡбарҭаҿ данықәгылоз.

«Аимпичмент ҳаналаго, уи иаанаго акоуп,  ҳара атәыла ахада апрезиденттә ҭыҧ лыхәҭам ҳәа иҳаҧхьаӡоит, убри аҟынтә, лнапынҵақәа шьҭалҵароуп. Ҳара 100 абжьқәа  ҳауеит ҳәа ҳгәыҕуам,   аха, ажәалагала ҳамоуп, Саломе Зурабишвили аоппозициаа рыдгылара дақәгәыҕны Аконституциа еилалгеит. Ҳара  100 абжьқәа  раиура ҳақәымгәыҕуазаргьы, ҳпозициеи ҳхықәки  еилкаауп, апҟарақәа инрықәырәшаны, атәыла ахада лнапынҵақәа шьҭалҵароуп. Аконституциатә аӡбарҭа Аконституциа аилагара иазкны аихшьаала апарламент аднагалар, адепутатцәа зегьы атәыла ахада лимпичмент иақәшаҳаҭхоит», — иҳәеит  Кобахиӡе.