Ҳара 12 пунктқәа рынагӡара иаҳуалуп, 2 закәанпроект рыдкылара мацароуп иаҳзаанхаз.  Ҳара иҟаҵатәыз зегьы ҟаҳҵеит арадикалтә оппозициаа рылахәызаарада, ари апроцесс аҵыхәанӡа инаҳгоит, – иҳәеит  „Ақырҭуа гәахәтәы“ ахантәаҩы Иракли Кобахиӡе.

Иара иажәақәа рыла, абжьагарақәа рынагӡара апроцесс аҵыхәанӡа инаргоит.

„Ари апроцесс аҵыхәанӡа инаҳгоит. 2 закәанпроектк рыдкылара мацароуп иаҳзаанхаз, урҭгьы иаамҭаны иҳадаҳкылоит. Рашәара анҵәамҭанӡа азакәанпроектқәа рыдкылара апроцесс хыркәшахоит.  Қырҭтәылаҿ аполитбаандаҩцәа иҟам,  убри аҟынтә, ари азҵаара, изакәызаалак формак ала ари апроцесс иадҳәалам.  Европарламентаҿ ирҳәо акгьы аҵанакәам. Евроеидгыла алалара иазку аӡбара здызкыло аструктурақәа абри аҩыза акгьы рымҳәеит, избанзар, Қырҭтәылаҿ аполитбаандаҩцәа иҟам“, – иҳәеит Кобахиӡе.