Ажәлар идсырдырыр сҭахуп, уажәааны аларҵәара зауз аматериалқәа 11 шықәса раҧхьа иҟаҵаз анҵамҭақәа рфабрикациа ауп, ари афакт даҽазнык аишьақәнарҕәҕәоит усҟан атоталтә ацәыҵаӡырҩра шыҟаз  — иҳәеит Қырҭтәыла Аҧыза-министр Иракли Ҕарибашвили.

«Ҳара ибзиаҵәҟьаны еилаҳкаауеит абри апровокациа зызкыз, уи ҟазҵаз.  Михаил Саакашвили, атәыла анапхгареи аоппозициеи еиқәшаҳаҭхар шыҟало аниба, абри апровокациа ҟьашьы, афабрикациа  ихы иаирхәит.  Ҳара уи ҳзақәшаҳаҭхом.  Ҳаргьы, аоппозициаагьы ари афакт иақәыӡбароуп», — иҳәеит Ҕарибашвили.

«Абарҭ анҵамҭақәа  2017 шықәсазы иҟаҵазшәа рҳәеит.  2017 шықәсазы сара абизнес салахәын, аполитика салҵит  2015 шықәса ҧхынҷкәын азы. Убринахыс активтә политика салахәымызт, убри аҟынтә дара раргумент изакәызаалак шьаҭак аҵам», — иҳәеит Иракли Ҕарибашвили.