Қырҭтәыла Адәныҟатәи аусқәа рминистр Иракли Дарчиашвили Қырҭтәыла визитла иҟоу Еидҵоу Акралра Адәныҟатәи аусқәеи, аиҩызареи аҿиареи рминистр Џьеимс Клеверли иҟны иформалым аиԥылара иман.

Қырҭтәыла Адәныҟатәи аусқәа рминистрра аинформациа ала, аганқәа иаҵшьны иазгәарҭеит ари авизит аҵакы. Ирзааҭгылеит Қырҭтәылеи Еидҵоу Акралреи ирыбжьоу аусеицура азҵаара хадақәа.

Британиатәи иколлега авизит иазкны Илиа Дарчиашвили асоциалтә каҭа “Твиттер” аҿы иҩит.

“Еидҵоу Акралра Адәныҟатәи аусқәеи, аиҩызареи аҿиареи русқәа рзы аҳәынҭминистр Џьеимс Клеверли дахьсыдыскылаз даараӡа сгәы иаахәеит. Сколлега иҟны Қырҭтәылеи Еидҵоу Акралреи рыбжара ҩганкалатәи амш аусхәаԥштә иалоу азҵаарақәа ҳрыхәԥшит. Ари авизит атәылақәа рыбжьара аусеицура арӷәӷәаразы ихырҳагоуп ҳәа сгәы иаанагоит”, – иҩит Дарчиашвили.

Авизит аҳәаақәа ирҭагӡаны, Џьеимс Кливерли Қырҭтәыла аиҳабыра рнапхгаҩы Иракли Ӷарибашвили диԥылоит. Иара убас ампыҵахаларатә цәаҳәахь днеины, аҭыԥ аҿы иҟоу аҭагылазаашьа ибоит.

Атәылақәа рыдәныҟатәи усқәа рминистрцәа аофициалтә реиԥылара хәажәкыра 17 рзы мҩаԥысуеит.