Миунхентәи Ашәарҭадара  аконференциа аҳәаақәа ирҭагӡаны Қырҭтәыла аԥыза-министр Иракли Ӷарибашвили Еврокомиссиа ахада Урсула фон дер Лаиен дылԥылеит.

Аиԥылараҿ аԥыза-министр Еврокомиссиа ахада адетальтә дыррақәа лиҭеит 12 приоритет рынагӡара апроцесс иазкны.

Аиԥылараҿ аԥыза-министр ишазгәеиҭаз, Еврокомиссиа, ахада Урсула фон дер Лаиен лнапхгарала, Қырҭтәыла адгылара шынарыгӡо, сынтәа аҭоурыхтә аӡбара шрыдыркыло дақәгәыӷуеит. Аԥыз-министри Еврокомиссиа ахадеи Қырҭтәыла аԥшьгарала имҩаԥысран иҟоу Амшын Еиқәа апроект аҵакы ду шамоу иазгәарҭеит.

Аганқәа ишазгәарҭаз, ари апроект ирҿыцу аенергетикатә асектор аҿиара адгылоит, иазҳауеит атранзити ахәҳахәҭреи рылшарақәа Евроеидгылеи Аахыҵ Кавкази рыбжьара. Иара убас аганқәа иахцәажәеит урыстәылатәи агрессиеи уи Қырҭтәылеи, арегиони адунеи рҿы иамоу анырреи.