Қырҭтәыла аԥыза-министр Иракли Ӷарибашвили Норвегиатәи аҳра Адәныҟатәи аусқәа рминистр Анникен Ҳудфелдт дылԥылеит.

Аԥыза-министр ипрессмаҵзура аинформациа ала, аиԥылараҿ ирыхәаԥшит ҩтәылак ирыбжьоу апартниортә аизыҟазаашьақәа ирызҳауа рдинамикеи наҟ-наҟтәи аусеицура арҭбаара аперспективақәеи.

“Иазгәаҭан Қырҭтәыла адемократиатә реформақәа рымҩаԥгареи аинституционалтә модернизациеи, асоциал-економикатә аҿиареи рҿы Норвегиа алагала шдуу.

Иара убас иазгәаҭан аполитикатә диалог ахымԥадара.

Иракли Ӷарибашвили Анникен Ҳудфелдт Қырҭтәыла асуверенитети, атерриториатә акзаареи евроинтеграциа рыдгылареи азы иҭабуп ҳәа лаиҳәеит.

Аиԥылара рхы адалырхәит Қырҭтәыла иҟоу Норвегиатәи аҳра ацҳаражәҳәаҩ Ҳелене Санд Андерсени, Қырҭтәыла Адәныҟатәи аусқәа рминистр  Илиа Дарчиашвилии Аиҳабыра радминистрациа аиҳабы Реваз Џьавлиӡе”, – иануп апрессмаҵзура аинформациа аҿы.