Қырҭтәыла аԥыза-министр Иракли Ӷарибашвили Қарҭ-Сагареџьо автобан аҿы 35 км аура змоу ахҵәаха аргыларатә усурақәа шымҩаԥысуа гәеиҭеит.

Аԥыза-министр ишазгәеиҭаз, аиҳабыра ирымоу 10 шықәсатәи аплан инақәыршәаны, Кахеҭи амҩатә инфраструктура аҿиаразы ианырхуеит 2 миллиард лари. Жәларбжьаратәи аҵакы змоу амагистрал аргылара иаҿуп Қырҭтәыла аинфраструктуреи арегионалтә аҿиареи рминистрра иаҵанакуа Автомобилтә амҩақәа рдепартамент.

Кахеҭи, амҩатә инфраструктура аргылара ада, ареабилитциа ахырхарҭала збиуџье 61 миллион иаҟароу 18 проект мҩаԥысуеит.

Иахьа Иракли Ӷарибашвили ақыҭа Митани агәҭаны иҟоу акультуратә ҩны ареабилитациатә усурақәа шымҩаԥысуа гәеиҭеит.

Акультуратә ҩны ахыбрахь ииаргоит абиблиотека, еиҿкаахоит амузыкатәи ахореографиатәи гәыԥқәа, уа аусура иалагоит 35-ҩык аҭыԥантә анхацәа.