Қырҭтәыла аԥыза-министр Иракли Ӷарибашвили иҟаиҵаз аҳәамҭала, Қырттәыла Адәныҟатәи аусқәа рминистр Илиа Дарчиашвили Лиуксембург дыҟоуп, уа иахьа еврокомиссар Оливер Варҳеи иҟынтә  Евроеидгыла алаларазы аҳәара азҵаареиқәыԥхьаӡа иоуеит. Ари атәы Иракли Ӷарибашвили иахьа имҩаԥысыз аиҳабыра реилатәара аҿы ааицҳаит.

Аиҳабыра рнапхгаҩы иажәақәа рыла, изларылшо ала ирласӡаны Бриуссель Евроеидгыла алаларазы аҳәара азҵаареиқәыԥхьаӡа аҭакқәа рыдаргалароуп.

“Ҳтәылауаа даҽазнык иргәаласыршәар сҭахуп -аҵыхәтәантәи ашықәсқәа рзы Евроеидгылаҟны аизыҟазаашьақәа ирыбзоураны иҳамоу аманшәалара, ҳнапхгара, ҳпартиа иабзоураны иҳамоуп – Ассоциирра иазку аиқәшаҳаҭреи, зхы иақәиҭу ахәааҳәҭреи, авизадатә режими уахь иналаҵаны. Иахьа иахьа аҵак ду змоу мшуп, ҳара излаҳалшо ала ирласӡаны Бриуссель Евроеидгыла алаларазы аҳәара азҵаареиқәыԥхьаӡа аҭакқәа рыдаҳгалароуп”, – иҳәеит Ӷарибашвили.