Қырҭтәыла аԥыза-министр Иракли Ӷарибашвили Германтәыла Афедеративтә Республика Аҩныҵҟатәи аусқәа рминистр  Ненси Фезер дылԥылеит.

Аиԥылараҿ аганқәа Қырҭтәылеи Германтәылеи ирыбжьоу еизыҟазаашьақәеи аусеицура аперспектиақәеи рыхцәажәеит.

Аԥыза-министр иаҵшьны иазгәеиҭеит Евроеидгыла алаларазы акандидат статус аиура апорцесс аҿы Германтәыла ароль ду шынанагӡаз. Аиҳабыра рнапхгаҩы адгыларазы Иракли Ӷарибашвили Германтәыла Афедеративтә Республика аканцел Олаф Шольц иҭабуп ҳәа иаиҳәеит.

Аиԥылараҿ иазааҭгылеит Қырҭтәылеи Германтәыла Афедеративтә Республикеи реиҳабырақәа ирыбжьарҵаз амиграциеи амобилреи ирызку аиқәшаҳаҭра.

Аиҳабыра радминистрациаҿ имҩаԥгаз аиԥылара рхы аладырхәит Германтәыла Афедеративтә Республика ацҳаражәҳәаҩ инапынҵақәа назыгӡо Таниа Ҳути, Германтәыла аиҳабыра рхаҭарнак ҷыда Иоахим Штампи, аимадарақәа рызҵаарақәа рзы адиректорат аиҳабы Бастиан Флеиги, Қырҭтәыла Аҩныҵҟатәи аусқәа рминистр Вахтанг Гомелаурии Германтәыла иҟоу Қырҭтәыла ацҳаражәҳәаҩ Леван Изориеи.