Қырҭтәыла аԥыза-министр Иракли Ӷарибашвили иахьа Бриуссельҟа ддәықәлоит, уа ԥхынҷкәын 15 рзы Европатәи ахеилак ахада Шарль Мишели Еврокомиссиа ахада Урсула фон дер Лаиени рааԥхьарала Мрагыларатә партниорра асаммит ихы алаирхәоит. Асаммит аҿы аполитикатә декларациа рыдыркылоит, адекларациа иалалоит Қырҭтәылазы апироритет змоу азҵаарақәа. Адекларациа даҽазнык шьақәнарӷәӷәоит Евроеидгылазы Мрагыларатә партниорра астратегиатә ҵакы, иара убас Қырҭтәылеи апартниорцәеи рсуверенитети ртерриториатә акзаареи рыдгылара.

Ақырҭуа ган иқәнаргылоит Евроеидгыла иаку аџьармыкьахь аинтеграциеи, Мрагыларатә партниорра амш аусхәаԥштә ҿыц ашьақәырӷәӷәареи ирызку азҵаарқәа.Мрагыларатә партниорра асаммит Евроеидгылеи мрагыларатәи апартниор тәылақәеи рыбжьара зыҩаӡара ҳараку адиалог азы аформатцп, уи ҩышықәса рзы знык мҩаԥысуеит. Асаммит аҳәаақәа ирҭагӡаны  астратегиатәи аполитикатәи зҵаарақәа ирыхәаԥшуеит, аиқәшаҳаҭрақәа рыбжьарҵоит. Бриуссель авизит аҳәаақәа ирҭагӡаны Қырҭтәыла аиҳабыра рнапхгаҩы зыҩаӡара ҳараку аиԥыларақәа мҩаԥигоит. Иракли Ӷарибашвили Нато амаӡаныҟәгаҩ хада Иенс Столтенберг диԥылоит.