Қырҭтәыла аԥыза-министр Иракли Ӷарибашвили Аусеицуреи Ашәарҭадареи рзы Европатәи Аиҿкаара ахантәаҩы, Аҩадатәи Македониа Адәныҟатәи аусқәа рминистр Буиар Осман диԥылеит.

Аиԥылараҿ аганқәа ирыхәаԥшит Аусеицуреи Ашәарҭадареи рзы Европатәи Аиҿкаара ахантәаҩ-тәылаҟны жәалрбжьаратәи аусеицура актуалтә зҵаарақәеи Қырҭтәыла евроинтеграциа амҩаҿ амоу апрогресси.

Аиҳабыра радминистрациаҿ имҩаԥгаз аиԥылараҿ ҩтәылак ирыбжьоу аусеицура арҵаулара азҵаара иахәаԥшит. Иазгәаҭан Аусеицуреи Ашәарҭадареи рзы Европатәи Аиҿкаара ахантәаҩраан Аҩадатәи Македониа Адәныҟатәи аусқәа рминистр ивизит аҵак ду шамоу.

Иара убас аганқәа иахцәажәеит импыҵахалоу аҵакырадгьылқәа рҟны иҟоу аҭагылазаашьа. Иракли Ӷарибашвили Буиар Осман Қырҭтәыла асуверенитети атерриториатә акзаареи рыдгыларазы иҭабуп ҳәа иаиҳәеит.