Акандидат статус иазкны анегативтә аӡбара аҭыԥ амамзароуп, атәылеи ажәлари рзы ахьымӡӷ рыргара ҟалоит, – иҳәеит Қырҭтәыла аԥыза-министр Иракли Ӷарибашвили ажурналистцәа данрацәажәоз.

Иракли Ӷарибашвили иажәақәа рыла, атәылаҿ имҩаԥгаз ареформақәа, апрогресс, агеополитикатә ҭагылазаашьа цәгьа иазыԥхьагәаҭаны, Қырҭтәыла акандидат статус аиура иахәҭоуп.

„Шарль Мишели европатәи алидерцәеи сырԥылан, иаартны срацәажәеит. Сацҳамҭа мариоуп – атәылаҿ имҩаԥгаз ареформақәа, апрогресс, агеополитикатә ҭагылазаашьа цәгьа иазыԥхьагәаҭаны, Қырҭтәыла акандидат статус аиура иахәҭоуп. Ари изныкымкәа расҳәахьеит. Ари аныҟарымҵа, Евроеидгыла иҟанаҵо иашьҭанеиуа астратегиатә гхахоит ҳәа расҳәеит.

Боррели сареи еицымҩаԥаагаз апрессконференциаҿ ишысҳәаз, ақырҭуаа зегьы реиҳа иаҳцәымҕу аиашамроуп. Ҳара аиашамра ҳҽанраалом. Избан акзар ҳара Ассоциациатә трио атәылақәа – Украина-Молдова-Қырҭтәыла рыбжьара еснагь аҧхьагылара ҳаман, иахьагьы аԥхьагылара ҳамоуп”, – иҳәеит Иракли Ӷарибашвили.