«Амшын еиқәа аӡаҵантәи афымцамҩангагатә акабель» апроект Бриуссель аҟынтә адгылара ӷәӷәа амоуп, ари апроект аҵыхәтәантәи 30 рыҩныҵҟала инагӡаз апроектқәа рҟынтәи зегьы реиҳа зымҽхак дуу, аҭоурыхтә проектхоит» — иҳәеит Қырҭтәыла аԥыза-министр Иракли Ӷарибашвили апарламент аҿы иқәгылараан.

«Ҵыҧх ҳара аҭоурыхтә ҵакы змоу апроектқәа аҧшьаагеит. Уи ақырҭуа инициативоуп, сара „Амшын еиқәа аӡаҵантәи афымцамҩангагатә акабель” ауп сызлацәажәо. Ари апроект Бриуссель ҳалацәажәеит, саргьыари апроцесс салахәын. 2021 шықәса мшаҧы азы, ҳара апроект дуқәа аналҳхоз, ари азҵаара хшыҩзышьҭра ду аман. Ҳара аханатәгьы Евроеидгыла аҟынтәи адгылара ҕәҕәа ҳауит. Анеҩс, ҳстаратегиатә партниорцәа – Азербаиџьани, Румынтәылеи, Венгриеи рҟны активла аусеицура наҳагӡан, ҵыҧх амеморандум ҳнапы аҵааҩит. Уажәы ари апроект активла аҭҵаара иаҿуп. Цәыббразы аҭҵаарақәа рылҵшәақәа ҳауеит, убри анеҩс аҩбатәи афазашҟа ҳаиасуеит. Бриуссель, евроеидгыла, идуӡӡоу афинанстә институтқәа уҳәа, рызынтәгьы ари апроект ҕәҕәала иадгылоит, ари апроект аҵыхәтәантәи 30 рыҩныҵҟала инагӡаз апроектқәа рҟынтәи зегьы реиҳа зымҽхак дуу, аҭоурыхтә проектхоит ҳәа ҳгәы иаанагоит» ,- иҳәеит Иракли Ӷарибашвили.