Иахьа аҭоурыхтә рыцхә ҳамоуп, аашықәса ҵит Ассоциира иазку иқәшаҳаҭра анапаҵаҩра аахыс, – иҳәеит Қырҭтәыла аԥыза-министр Иракли Ӷарибашвили иахьа имҩаԥысыз аиҳабыра реилатәара аҿы.

Аԥыза-министр ари ассоциира иабзоураны атәыла амоу амашәааларақәак дрыхцәажәеит.

“Аашықәса раԥхьа ҳтәыла ахьӡала ари аиқәшаҳаҭра анапы аҵазҩит. Уи нахыс ҳтәыла маншәадарақәак аман. Раԥхьаӡа иргыланы, ари Евроеидгылаҟны зхы иақәиҭу ахәаахәҭроуп. Уи адинамика бзиа амоуп, ҳааглыхцәа Евроеидгыла иалоу атәылақәа рҿы аалыҵ рҭиуеит. Иара убас иҳамоуп авизадатә режим, ҳтәыла атәылауаҩшәҟәы змоу атәылауаа авизада Евроеидгыла иалоу атәылақәа рҭаара алшара роуеит”, – иҳәеит Иракли Ӷарибашвили.

Аԥыза-министр иажәақәа рыла, арҭ ашьаҭатәи алҵшәақәа рыла, ахырхарҭақәа зегь рыла еврорегулиациақәеи евролирективақәеи 45% рҟынӡа наҳагӡеит.

„DCFTA ахәҭаҿы наҳагӡеит 50%. Имҩаԥган аҵак ду змоу ареформақәа  – ауаҩытәыҩса изинқәа рхырхарҭа, апенитенциартә система, аҵарадырреи аҭҵаарадырреи, аиновациақәеи, ақыҭанхамҩеи, атранспорти, аҳәынҭқарратә маҵзуреи, аенергетикеи, арегионтә аҿиареи рхырхарҭала.

Иара убас иазгәаҭатәуп, Ассоциира иазку аиқәшаҳаҭра анапаҵаҩрала, иацҵаны аимпульс ҳауит Евроеидгыла иҳәаақәҵоу апрограммақәа рҿалархәра ала. Арҭ апрограммақәа роуп “Ерасмус +”, “Горизонт 2020”, “Аҟазаратә Европа”, Frontex, „Евроџьаст““, – иҳәеит аԥыза-министр.