Ҳара ауааҧсыра зегьы ргәахәтәы наҳагӡеит, Евроеидгыла акандидат астатус ҳауит. Атәыла анапхгареи ажәлари ҳамчқәа еидкыланы ари ҳалшеит, – иҳәеит Қырҭтәыла аҧыза-министр Иракли Ҕарибашвили ацҳаражәҳәаҩцәа рконфренциа аартраҿы данықәгылоз.

Аиҳабыра рнапхгаҩы ишиҳәаз ала, ари аус аҿы апарламенти, аиҳабыреи, адипкорпуси ралагала дууп.

„Мшыбзиақәа, ҳаҭыр зқәу ацҳаражәҳәаҩцәа, ҳаҭыр зқәу апарламент ахантәаҩы, аиҳабыреи апарламенти рылахәылацәа, ҳуахәама ахаҭарнакцәа. Иахьа шәҿаҧхьа ақәгылара сара сзы ҳаҭыр дууп. Раԥхьаӡа иргыланы, ихадоу азҵаара сахцәажәар сҭахуп. Ҳара ауааҧсыра зегьы ргәахәтәы наҳагӡеит, Евроеидгыла акандидат астатус ҳауит. Атәыла анапхгареи ажәлари ҳамчқәа еидкыланы ари ҳалшеит. Аҳәынҭқарратә маҵзуҩцәа зегьы, ҷыдала адипломатцәа ҭабуп ҳәа расҳәар сҭахуп, абри ақәҿиареи аиааиреи аҿы алагала ҟазҵаз ауаа зегьы ҭабуп ҳәа расҳәоит.

2012 шықәсанӡа Қырҭтәылеи Европеи еиҿыҵуан, ишьақәгылон адиктатуратә режим, 11 шықәса рыла, адемократиа аганахьала адунеи иреиӷьу ажәа тәылак рыбжьара ҳаҟоуп, акандидат тәылоуп”, – иҳәеит Қырҭтәыла аҧыза-министр Иракли Ҕарибашвили ацҳаражәҳәаҩцәа рконфренциа аҿы.