«Ԥхынгәи нанҳәеи рзы абылтәы ахә 10-10 ҭеҭри рыла имаҷхеит, аха аимпортиорцәа ражәақәа рыла, нанҳәа анҵәамҭазы ахә 20-30 ҭеҭри рыла имариахоит, ари апроцесс иаартызаароуп», — иҳәеит Қырҭтәыла аԥыза-министр Иракли Ӷарибашвили  иахьа имҩаԥысыз аиҳабыра реилатәара аҿы.

Аԥыза-министр иажәақәа рыла, абылтәы ахә иазку азҵаара иара ихала дахылаԥшуеит.

Абылтәы ахә еизышәаны имаҷымхеит ҳәа ҳгәы иаанагоит, убри аҟынтә, абылтәы аимпортиорцәа рҟны аусура иаҳа иҳарҭбаароуп, – иҳәеит Қырҭтәыла аҧыза-министр Иракли Ҕарибашвили аиҳабыра реилатәараҿы. 

Аҧыза-министр ишазгәеиҭаз ала, абылтәы аимпортиорцәа ишырҳәаз ала, ҧхынгәыи нанҳәеи рзы абылтәы ахә 10-10 ҭеҭри рыла идырмаҷит, нанҳәа анҵәамҭанӡа, зынӡа абылтәы ахә дырмаҷуеит  20-30 ҭеҭри рыла. 

„Ҳара ҳадҵала, аекономикеи афинансқәеи рминистрцәа изныкымкәа абылтәы аимпортиорцәа ирҧылахьеит. Ҳара Қырҭтәыла абылтәы ахә активла ҳацклаҧшуеит. Аконкуренциазы агентра анапхгара рҟны аимадара ҕәҕәа ҳамоуп. Иахьа шьыжьымҭан срацәажәеит. Лари акурс ҕәҕәахеит, абылтәы ахә дырмаҷит. Аха, уезгьы,  абылтәы ахә еизышәаны имаҷымхеит ҳәа ҳгәы иаанагоит, убри аҟынтә, абылтәы аимпортиорцәа рҟны аусура ҳарҭбаароуп. Сара Аконкуренциазы агентра иабжьазгеит ари азҵаара аҭҵаара иалаганы, аимпортиорцәа рынамысреи, аконкуренциа аҳәарақәа иахьынӡахьчоуи гәарҭарц, ари азҵаараҿы изакәызаалак аилагарак иҟазар еилаҳкаароуп. Ҳәарада, ари ахырхарҭала аусура наҳагӡоит. Аимпортниорцәа ажәа ҳарҭеит ҧхынгәыи нанҳәеи рзы абылтәы ахә  10-10 ҭеҭри ишдырмаҷызгьы, зынӡа, нанҳәа анҵәамҭанӡа  20-30 ҭеҭри ала ишдырмаҷуа азы, аха, ари апроцесс иаҳа иаартызароуп. Ҳуааҧсыра инарҭбаау аинформациа раҳҭароуп, ауаа ирдыруазароуп аимпортиорцәа принципқәас ирымоу, аҳашәалас ирзаанхо. Аиҳабыра  лари акурс аҭышәынтәаларазы ирылшо зегьы ҟарҵоит, ишыжәдыруа ала, аҵыхәтәантәи аамҭазы амилаҭтә валиута кырӡа иҕәҕәахеит. Абарҭ афакторқәа иазҧхьагәаҭаны, ҳара аимпортиорцәа рахь ааҧхьара ҟаҳҵоит аиҳабыра  рҟны иаҳа акоординациа рымазарц, ҳуааҧсыра рҟнгьы аимадара рымзароуп. Ҳекономикатә гәыҧи ҳареи ари азҵаара ҳацклаҧшуеит, ҭыҧраамҭак ашьҭахь ҳуааҧсыра иаҳа инарҭбаау аинформациа раҳҭоит“, – иҳәеит аҧыза-министр.