«Иахьа ҳара  Қырҭтәылеи, Азербаиџьани, Ҭырқәтәылеи  рыбжьара хганктәи аусеицура аформатаҿ 9-тәи аиҧылара мҩаҧаагеит.  Ҳара даҽазнык ишьақәҳарҕәҕәеит аполитикатә диалог ҳшазыразу, х-ганктәи аформатаҿ ҳусеицура аҵакы ду шамоу», — иҳәеит Қырҭтәыла адәныҟатәи аусқәа рминистр Илиа Дарчиашвили.

Дарчиашвили иҳәамҭала, х-ганктәи аформат  арегионалтә усеицуразы зегьы реиҳа иқәҿиароу аформатқәа иреиуп.

«Ҷыдала иахьа, адунеиаҿгьы арегионаҿгьы апроблемақәа анырацәоу аамҭазы, ари аплатформа арегион аусхәаҧштә иахьыҧшны аусеицуразы алшара бзиа ҳнаҭоит.

Ҳара х-ганктәи аусеицура иаҵанакәа азҵаарақәа рацәа ҳрылацәажәеит, аконкреттә алҵшәа бзиақәа ҳамоуп.  Ишыжәдыруа еиҧш, Қырҭтәыла,  Азербаиџьани Ҭырқәтәылеи рҟны иҿырҧшыгоу аизыҟазаашьақәа амоуп. Арҭ атәылақәа Қырҭтәыла ахәаахәҭратә партниорцәа роуп. Аполитика, ахәаахәҭра, аекономика, атәылахьчара, акультура, атранспорт, аенергетика, ҳаамҭазтәи атехнологиақәа, атуризм уҳәа, аусхкқәа рацәа рҿы апартниорра ҕәҕәа ҳабжьоуп», — иҳәеит Дарчиашвили.