Илиа Дарчиашвили – Европа ахеилак аҟны аусеицура ҳара ҳзы аҵак ҷыда амоуп

Европа ахеилак аҟны аусеицура ҳара ҳзы аҵак ҷыда амоуп. Амаӡаныҟәгаҩ хада Қырҭтәыла адгыларазы иҭабуп ҳәа ласҳәар сҭахуп , – иҳәеит Қырҭтәыла Адәныҟатәи аусқәа рминистр Илиа Дарчиашвили Европа ахеилак амаӡаныҟәгаҩ хада Мариа Пеичинович Буричи иареи еицымҩаԥыргаз апрессконференциа аҿы.

Аминистр Илиа Дарчиашвили Европа ахеилак амаӡаныҟәгаҩ хада лҟны абрифинг аҿы ишазгәеиҭаз, аиԥылараҿ ихадароу азҵаарақәа ирыхәаԥшит, урт ирун атәылаҿ иҟоу ашәарҭадара аҭагылазаашьа..

“Европа ахеилак  Қырҭтәыла асуверенитети атерриториатә акзаареи рыдгылара Қырҭтәылеи Урыстәылеи реимак ҭынч мҩала аҭыԥқәҵара апроцесс аҿы ихадароуп. Европа ахеилак аинструментқәа ахәшьара ҳарак аҳҭоит Қырҭтәыла импыҵахалоу аҵакырадгьылқәа рҿы ауаҩытәыҩса изинқәа рыхьчареи агәрагара аиҭашьақәыргылареи  рпроцесс аҿы.

Арегион аҟны иҟоу аҭагылазаашьа ҳахцәажәеит. Амаӡаныҟәгаҩ хада илзаасырԥшит арегион ицо аибашьра афон аҿы Қырҭтәыла иҟоу ашәарҭадаратә ҭагылазаашьа. Қырҭтәыла лвизит Қырҭҭәыла ашәарҭадара иаҳа арӷәӷәара адгылоит ҳәа сгәы иаанагоит“, – иҳәеит Дарчиашвили.