Иахьа Украина Аҧыза-министр Қырҭтәыла иофициалтә визит иалагоит

10:28, 03.06.2021

Иахьа Украина Аҧыза-министр Қырҭтәыла иофициалтә визит иалагоит. Денис Шмыгаль иацы Қырҭтәыла даҭааит.

Аҧылара аофициалтә церемониа мҩаҧысуеит иахьа, Қырҭтәыла аиҳабыра русмҩаҧгарҭаҿы. Украина аиҳабыра рнапхгаҩы дидикылоит Қырҭтәыла Аҧыза-министр Иракли Ҕарибашвили.

Аҧыза-министрцәа ишиашо реиҧылара ашьҭахь, аиҿцәажәарақәа нагӡахоит ирҭбаау аформат аҿы. Иракли Ҕарибашвилии Денис Шмыгали амедиазы аҳәамҭақәа ҟарҵоит.

Қырҭтәыла иофициалтә визит аҳәаақәа ирҭагӡаны, Украина Аҧыза-министр Қырҭтәыла апарламент ахантәаҩы Каха Куҷавеи, Қырҭтәыла Акаталикос-Патриарх Илиа аҩбатәии дырҧылоит.

Денис Шмыгали аделегациа алахәылацәеи Қырҭтәыла акзаара зхы ақәызҵаз афырхацәа рмемориал аҿы ашәҭқәа шьҭаҵаны, ҳаҭырла иргәаладыршәоит.

АПОЛИТИКА

Қырҭтәыла иофициалтә визит

Укрaинa Аҧызa-министр