Иахьа Америка 45-тәи ахада Дональд Трамп аофициалла ахара идырҵоит 2020 шықәсатәи апрезиденттә алхрақәа рылҵшәақәа раҧыхра аҽазкразы.
Лымкаала, Трамп 4 пункт рыла ахара идырҵоит, арҭ апунктқәа иреиуп атәыла ажьара амзызла ачарҳәареи, ашаҳаҭцәа рықәыҕәҕәареи, атәылауаҩратә зинқәа реилагара амзызла ачарҳәареи.
Америка ҧасатәи ахада аӡбарҭашҟа днеираны дыҟоуп аҭыҧантәи аамҭала асааҭ 16:00 рзы. Занаҵтәи аинформациала, иара ари ахара азхаҵара игәы иҭам, аха, аформалтә процедурақәа дырхысуеит.