Иахьатәи аилатәараҿы  Алхратә комиссиа хада жьҭаара  26 рзы апарламенттә алхрақәа рымҩаҧгаразы аҳәаанырцә алхырҭақәа раартра азҵаара иахәаҧшуеит.

Алхратә комиссиа хадаҿы ишырҳәаз еиҧш, азакәан инақәыршәаны, алхратә комиссиа Адәныҟатәи аусқәа рминистрра аҟынтә аиуит  аҳәаанырцә аконсулрақәа рҿы ашәҟәы иҭаҩу, абжьыҭира азин змоу 65 508ҩык Қырҭтәыла атәылауаа ирызку адыррақәа.

Алхратә комиссиа хада апресс-маӡаныҟәгаҩ Наҭиа  Иоселиани иахьатәи абрифинг аҿы ишылҳәаз ала, алхырҭақәа аадыртуеит  ахаангьы урҭ иахьыҟамыз атәылақәа рҿгьы.

«Иҳауз адыррақәа рышьаҭала, иахьатәи аилатәараҿы, 42 ҳәынҭқаррақәа рҿы 60 алхырҭақәа раартра азҵаара ҳахәаҧшуеит. Сынтәатәи алхрақәа рзы ҧасатәи алхрақәа раасҭа иаҳа ирацәаны алхырҭақәа ааҳартуеит,  уи еиҳангьы, алхырҭақәа аадыртуеит  ахаангьы урҭ иахьыҟамыз атәылақәа рҿгьы.  Арҭ атәылақәа иреиуп Иеиду Араҧтәи Емиратқәеи, Финлиандиеи, Кореиеи, Иапониеи, Австралиеи.

Ишәгәалаҳаршәар ҳҭахуп азакәан инақәыршәаны алхырҭақәа шаадыртуа  50ҩык  иреиҵамкәа,  3000ҩык  иреиҳамкәа  алхыҩцәа рзы. Қырҭтәыла азакәанҧҵарала, аҳәаанырцә инхо Қырҭтәыла атәылауаа рзы  даҽа регулиациак иазҧхьагәаҭам», — илҳәеит Наҭиа  Иоселиани.