ҲАМАС ахаҭарнакцәа рҳәамҭала, израильтәи аруаа  Тегеран  ареид анымҩаҧыргоз,  рполитикатә лидер  Исмаил  Ханиа дыршьҭит.

ВВС адыррақәа рыла, иацы Исмаил Ханиа Иран ахада  Масуд Ҧезешкиан иинаугурациаҿы дыҟан.

ҲАМАС ахаҭарнак  Сами Абу Зухри ишиҳәаз ала, дара Израиль иаҿагыланы аибашьра иаҿуп, ари ақәҧараҿы ахә ду ашәара иазыхиоуп.

Израиль ари аинцидент иадҳәаланы макьана аилыркаарақәа ҟарымҵацт.

Уи аамҭазы, ирантәи  «Исламтәи ареволиуциа ахьчаҩцәа ркопус» Исмаил Ханиа иҧсра иадҳәаланы агәынамӡара аанарҧшит. Аҳәамҭа ишану ала, Иран ари аинцидент иадҳәаланы аусеилыргара мҩаҧнагоит.

ҲАМАС аполиткиатә лидер  Исмаил Ханиа аҵыхәтәаны ажәлар рыгәҭа дцәырҵит иацы, Иран ахада иинаугурациаҿы.  Иара Иран ахада ҿыц  Масуд Ҧезешкиани адоуҳатә лидер  Аиатолла  Али Ҳаменеи дырҧылеит. Аларҵәара зауз аинформациа инақәыршәаны, ари аиҧылараҿы Иран ахада иаҵшьны иазгәеиҭеит Иран апалестин жәлар рыдгылара шынанагӡо.