Шотландиа аҳҭнықлақь Глазго иахьа аклимат аҽаҧсахра азҵаарақәа рзы асаммит COP26 аартхоит.

Асаммит ихы алаирхәоит Қырҭтәыла аҧыза-министр Иракли Ҕарибашвили.

ЕАР аегидала аклимат аҽаҧсахра азҵаарақәа рзы аконференциа есышықәса мҩаԥысуеит. Сынтәатәи аконференциа хықәкыс амоуп 2015 шықәсазы ирыбжьарҵаз аиқәшҳаҭра “Аклимат иазку Парижтәи аиқәшаҳатра” алҵшәақәа рыхцәажәара.

ЕАР аклимат аҽаҧсахра 26-тәи аконференциа (COP26) Глазго имҩаҧысуеит жьҭаара 31 инаркны абҵара 12-нӡа.

Асаммит аҳәаақәа ирҭагӡаны, адунеи алидерцәеи аекспертцәеи, Парижтәи аиқәшаҳаҭреи аклимат аҽаҧсахра иазку ЕАР аконвенциа ахықәкқәеи рынагӡареи, иара убас, аклимат аҽаҧсахра иадҳәалоу апроблемақәа рыӡбареи азы азеиҧш ҽазышәарақәеи еиқәшаҳаҭны аусеицуреи шдырҕәҕәаша иалацәажәоит. Асаммит рхы аладырхәоит 120 ҳәынҭқарра рлидерцәа.