«Саакашвили индыркны адукатцәа рҟынӡа,  «Амилаҭтә ҵысра» алахәылацәа зегьы Ника Мелиа фырхаҵас даадырҧшыр рҭахын,  иара аполитикатә идеиазы ддыргәаҟызшәа,  аха,  уи акгьы алымҵит», — иҳәеит апарламент актәи авице-спикер Гиа Вольски.

Иара иажәақәа рыла,  Ника Мелиа ашас дақәшаҳаҭхароуп.

«Европа ахеилак аҽалагалареи жәларбжьаратәии ақырҭуеи уаажәларра рыҳәареи   «Амилаҭтә ҵысра» рпланқәеи рстратегиеи иашьашәалам. Мелиа  урҭ дрыбжьахеит.  Иара уаҳа ҧсыхәа имам,  ашас дақәшаҳаҭны,  абахҭа дҭыҵроуп.  Аштурм аиҿкааҩцәа рбригадир ироль дзалҵуам.  Иара аполитикатә фырхаҵас дзыҟамлеит. Ҳаҧхьаҟа иҟарҵо сызшәаҳәом,  аха,  алхрақәа ирызку азҵаареи,  апарламент аҿы аусуреи,  аекономикеи агәабзиарахьчареи ашәарҭадареи азҵаарақәеи рыӡбара ишазҿлымҳам убарҭоуп», — иҳәеит Гиа Вольски.