«Ҳмилаҭтә интересқәа ирыҵанакуеит атәылаҿ аҭынчра ашьақәыргылареи аҭышәынтәалара ахьчареи. Ареитингқәа зегьы рыла ҳара иреиҕьу арбага ҳамоуп, — иҳәеит апарламент актәи авице-спикер Гиа Вольски.

Иара иажәақәа рыла, аоппозициаа рхықәкы  — аилаҩынтәра аиҿкаароуп, ажәлар рхала ирыӡбоит иаҳа еиҕьаршьо  — аҿиара акәу аилаҩынтәра акәу.

Гиа Вольски аоппозициатә аполитикатә бжь-партиак еицыҟарҵаз аҳәамҭа дахцәажәеит. Иара ишиҳәаз ала, арҭ апартиақәа  «Амилаҭтә ҵысра» иалахәып, уаантәи иалымҵӡацт, аха, афлангқәа рыла рҽеиҩыршеит.

«Абарҭ аполитикатә партиақәа аханатәгьы уи иалахәын. Иахьа аҳәамҭа знапы аҵазҩыз ауаа реиҳара «Амилаҭтә ҵысра» иалахәып. Дара ари апартиа иалымҵӡацт, баша еиуеиҧшым афлангқәа рыла рҽеиҩыршеит. Дара анеҩстәи аетапахь иасны, иҳәынҭқарратәым аиҿкаарақәа рыцхыраарала ареволиуциатә процессқәа рырҿиара ргәы иҭоуп. Уи аханатәгьы иубарҭан.

Лабҿаба иубарҭоуп дара хықәкы заҵәык шрымоу  — аилаҩынтәра, избанзар, алхрақәа рҿы ари аполитикатә гәыҧ изакәызаалак перспективак рымам.  Ҳуааҧсыреи ҳҿари ибзиаӡаны ирдыруеит  атәылаҿ изакәытә процессқәоу имҩаҧысуа», — иҳәеит Гиа Вольски.