Гамбургтәи аҳаирбаҕәазаҿ бџьарла еибыҭаз ахаҵа аполициа рыҽриҭеит. Ари аинформациа аланарҵәеит «Би-би-си».
АИХ адыррала, уажәазы уаҟа ашәарҭара иҟам. Зыӡбахәы ҳәоу ахаҵа ицыз ахәыҷгьы ишәарҭам аҭыҧаҿ дыҟоуп.
Абҵара 4 рзы, асааҭ 20:00 рзы, аҭырқәа хаҵак, ҧшьышықәса зхыҵуа аӡҕаб диманы, маӡала аҳаирбаҕәаза дҭалан, авиаеилахәыра Turkish Airlines аҳаирплан аҧхьа даангылеит. Иара иҟны аиҿцәажәарақәа мҩаҧнагон аҭыҧантәи аполициа. Абри ахҭыс амшала иаци иахьеи имҩаҧысраны иҟаз ареисқәа аҧыхын.