Аҵыхәтәантәи амшқәа рзы аҳәаанырцә иҟоу ҳтәылауаа рызҵааразы  аманипулиациақәа мҩаҧысуеит. Ари азҵаара иазҿлымҳау аганқәа аҳәаанырцә инхо ҳтәылауаа ииашам аинформациа рырҭоит, – иҳәеит Алхратә комиссиа хада ахантәаҩы Гьаргь Каландаришвили Актәи аканал адырраҭараҿы даныҟаз.

„Алхырҭа аартразы ҭагылазаашьа мацарак иҟоуп, Алхратә комиссиа хада Адәныҟатәи аусқәа рминистрра аҟынтә аинформациа аиуроуп аконсулрақәа рҿы  50ҩык иреҵамкәа ҳтәылауаа ашәҟәы ишану азы. Абри аинформациа ашьаҭала, Алхратә комиссиа хада аҳәаанырцә алхырҭақәа раартра иазкны аӡбара аднакылоит. Акомиссиа алахәылацәақәак рҽазышәара акәымзҭгьы, Адәныҟатәи аусқәа рминистрра аинформациа ашьаҭала, 6 500ҩык иреиҳаны ҳтәылауаа абжьыҭира рылшомызт. Ари аӡбара иадгылаз сколлегацәа зегьы ҭабуп ҳәа расҳәар сҭахуп.  Аҳәаанырцә иҟоу ҳтәылауаа ииашам аинформациа рырҭеит,   50 анапынҵақәа рыла алхырҭақәа раартра ҟалоушәа рарҳәеит,  уи ҳзакәанҧҵарала  иазҧхьагәаҭам“, – иҳәеит Каландаришвили.

Гьаргь Каландаришвили аҳәаанырцә иҟоу Қырҭтәыла атәылауаа рахь ааҧхьара ҟаиҵеит абжьыҭира рҽаладырхәыр рҭахызар, иахьа уажәраанӡагьы аконсулрақәа рҿы арегистрациа иахымсзар, алхырҭақәа иахьаарту иашьашәалоу адипломатиатә хаҭарнакра иадҵааланы, арегистрациа рзымҩаҧгара иаҳәарц.