«Аҵыхәтәантәи аамҭазы иҟалаз ахҭысқәа реихшьаала ҳҭахызар, иахьатәи ҳаиҿцәажәараан  абарҭ атемақәа рылацәажәара ҳгәы иҭазар, иартны иаҳҳәароуп Урыстәыла Украинаҿ имҩаҧнаго зымҽхак дуу аибашьра лабҿаба ишаҳнарбаз еидгыло адемократиатә ҳәынҭқаррақәа рыбжьара акзаареи аусеицуреи аҵакы ду шамоу,  абри аҩызаҵәҟьа аҵакы амоуп агибридтә агрессиа иаҿагыло ақәҧарагьы», — иҳәеит Европа азҵарақәа рзы Британиа Ду аминистр  Лео Дохерти.

Қырҭтәыла имҩаҧгаз Акибершәарҭадара афорумаҿ британиатәи аминистр ишиҳәаз ала, ашәарҭадареи ахыхьчареи аусхкқәа рҿы Қырҭтәылаҟны аусеицура Британиазы аҵакы ду амоуп.

«Акибержәыларақәа ирҿагылоу ақәҧареи акибершәарҭара иазкны ажәлар рдырра аизырҳареи аҿы британиатәи ацхыраара алҵшәа бзиа шахылҵыз анызбо сгәы шьҭырҵуеит.  Акибершәарҭадара иазку шәстратегиеи заартра шәгәы иҭоу ашәарҭадара аоперативтә центри   21тәи ашәышықәсазы акрызҵазкәа ахыхьчаратә механизмқәоуп.  Аус анеицаауа ҳшәарҭадара иаҳа иҕәҕәахоит, убри аҟынтә, абри аконференциа қәҿиарала амҩаҧгара шәзеиҕьасшьоит, Қырҭтәыла ҳаиқәшәоит», — иҳәеит британиатәи аминистр афорум алахәылацәа рахь ихы рханы.