«Еврооптимистцәа» – Атәылаҿы амиграциатә процессқәа ишәарҭоу аформа роуит, фактла иуҳәозар, атәыла аҭацәхара иаҿуп
Аоппозициатә депутатцәа, «Еврооптимистцәа» Хаҭиа Деканоиӡеи Роман Гоцириӡеи ишырҳәаз ала, атәылаҿы амиграциатә процессқәа ишәарҭоу аформа роуит, фактла иуҳәозар, атәыла аҭацәхара иаҿуп.
«Аусура зылшо ҳтәылауаа аҳәаанырцәҟа ацара иаҿуп, урҭ рҭыҧқәа ааныркылоит атәымтәылауаа. Ҵыҧх аҳәаанырцәҟа ицаз ҳтәылауаа рҟынтәи уаҟа иаанхаз рацәаҩуп 46 397ҩык рыла. Аҵыхәтәантәи 22 шықәса рыҩныҵҟа абри аҩыза арбага цәгьа иҟамызт.
2021 шықәсазы аҳәаанырцә иаанхеит 40 825ҩык. Аҵыхәтәантәи ҩышықәса рыла Қырҭтәыла атәылауаа рмиграциа арбага 87 222ҩык ираҟаран. Ҵыҧх мацара Қырҭтәыла иҟан 101 000ҩык атәымтәылауаа, урҭ рҟынтә 62 нызқьҩык Урыстәыла иатәылауаан.
Абри аҭагылазаашьа алҵразы мҩазаҵәык ауп иҟоу — аекономикатә политкиа иаша амҩаҧгареи аулафахәы ду зцу аусуратә ҭыҧқәа раҧҵареи», — иҳәеит Гоцириӡе.