Иреиҳаӡоу аӡбарҭа аӡбаҩцәа ралхра Қырҭтәыла анапхгара рзы аӡбарҭатә система ареформа адгылара азаарԥшра алшароуп, арҭ ахҭысқәа аӡбарҭатә система ахьыԥшымреи агәрагареи рыԥсахра аганахьала ашәарҭа ду аадырԥшуеит, – абри еиԥш аҳәамҭа алаирҵәеит Еврокомиссиа апресспикер иреиҳаӡоу аӡбарҭа аӡбаҩцәа ралхра иадҳәаланы.

Аҳәамҭа аҿы ишану ала, иреиҳаӡоу аӡбарҭа аӡбаҩцәа рықәыргылара иалагаанӡа, ралхра апроцесс Венециатәи акомиссиа арекомендациақәа рыла амҩаԥгара, Евроеидгыла аҟынтә афинанстә цхыраара аҩбатәи атранш аҭара ашьаҭас иҟалоит.

“Аӡбарҭатә система ареформа иазку иашьҭанеиуа еилацәажәарақәа рзы Евроеидгыла аартуп, ҷыдала мшаԥы 19 рзы ирыбжьарҵаз еиқәшаҳаҭреи Қырҭтәылазы Евроеидгыла амакрофинанстә ацхыраара иазку аӡбара аконтекст аҿы,” – иануп аҳәамҭа аҿы.