Евроеидгыла адидерцәа Урыстәыла аганахьала асанкциақәа афбатәи апакет азы еиқәшаҳаҭхеит, уи ала урыстәылатәи анефт аимпорт 75% ақәиҭымтәра алагалоуп. Ари атәы ааицҳаит Европатәи ахеилак ахада Шарль Мишель.

Мишель иажәақәа рыла, аиқәшаҳаҭра инақәыршәаны, макьана ақәиҭымтәра алагалам анефтмҩангагала ицо урыстәылатәи анефт азы/

„Иахьа Европатәи ахеилак Урыстәыла аганахьала асанкциақәа афбатәи апакет азы еиқәшаҳаҭхеит. Уи ала урыстәылатәи анефт аимпорт 75% ақәиҭымтәра алагалоуп, ашықәс анҵәамҭазы ақәиҭымтәра алагалахоит урыстәылатәи анефт 90% азы,” – иҳәеит Мишель.

Европатәи ахеилак ахада ишааицҳаз, европатәи алидерцәа еиқәшаҳаҭхеит идуӡӡоу урыстәылатәи абанк “Сбербанк”  SWIFT асистемантә аҿыхреи идуӡӡоу урыстәылатәи хдырраҭарак раҿыхреи рзы.

Европатәи ахеилак ахада ишааицҳаз, ахеилак шьақәнарӷәӷәеит Украина 9 миллиард евро азалхра азҵаара.