ЕАШ-и Британиа Дуи рымчқәа Иемен иҟоу ахуситцәа робиект аганахьала ажәылара мҩаԥыргеит.

ЕАШ аофициалтә хаҭарнак ишааицҳаз, ажәылара мҩапган авиациеи, аӷбақәеи, аӡаҵантә аӷбақәеи рыла.

Аихқәа рҿы аларҵәара зауз адыррақәа рыла, ажәыларақәа мҩаԥган аҳҭнықалақь Санеи, Амшын Ҟаԥшь иаԥну ахуситцәа рпорт Худаидеи, Дамаи, Саадеи рҿы.

Ахуситцәа рофициалтә хаҭарнакцәа ишаарыцҳаз, ари агрессиазы ЕАШ-и Британиа Дуи ахә цәгьа ршәоит.

ЕАШ ахада Џьо Баиден иҟаиҵаз аҳәамҭала, “арҭ аахақәа ЕАШ амчқәеи Британиа Дуи Австралиеи, Бахреини, Канадеи, Нидерландқәеи рыдгылара мҩаԥыргеит”.

Баиден иажәақәа рыла, авиажәылара мҩаԥган Амшын Ҟаԥшь аҟны ахуситцәа рыла ахәаахәҭратә аӷбақәа рырҳәра иаҭакны.

Британиа Ду аԥыза-министр Риши Сунак ишааицҳаз, ажәылара хымԥада мҩаԥгатәын.