Қырҭтәыла атәылахьчара аминистр аофициалтә визитла Словакиатәи ареспубликаҿ дыҟоуп. Авизит аҳәаақәа ирҭагӡаны,  Джуаншер Бурҷулаӡе словакиатәи иколлега Иарослав  Над диҧылеит.  Ари аинформациа аланарҵәеит Қырҭтәыла Атәылахьчара аминистрра апресс-маҵзура.

Словакиа Атәылахьчара аминистрраҿы имҩаҧгаз аҧылара аофициалтә церемониа ашьҭахь, ирҭбаау аилазаарала имҩаҧгаз аиҧылараҿы, ҩ-ганктәи аусеицуреи аперспективақәеи ирылацәажәеит.

Джуаншер Бурҷулаӡе словакиатәи аган ахаҭарнакцәа ҭабуп ҳәа реиҳәеит Қырҭтәыла иазаадырҧшуа аполитикатәи апрактикатәи цхыраареи евроантантикатә структурақәа рахь аинтеграциа апроцесс аҿы Қырҭтәыла адгылареи азыҳәан.

Аиҧылара алахәылацәа Қырҭтәыла Атәылахьчаратә мчқәа рҿы имҩаҧысуа ареформақәеи, арегион аҿы ашәарҭадаратә ҭагылазаашьеи, Амшын еиқәа ашәарҭадара азҵаареи ари апроцесс аҿы НАТО алахәызаара аҵаки иалацәажәеит.

Ивизит аҳәаақәа ирҭагӡаны, Джуаншер Бурҷулаӡе, Словакиа адәныҟатәи аусқәа рминистри, Амилаҭтә хеилак аҿы иҟоу атәылахьчареи ашәарҭадареи рзы акомитет ахантәаҩи дырҧылоит.