Денис Шмыгаль – Мраҭашәараҿ ирҵаау урыстәылатәи активқәа Урыстәылаҟа ихынҳәыр ҟалом
Украина аҧыза-министр Денис Шмыгаль ишиҳәаз ала, Мраҭашәараҿ иҵаау урыстәылатәи активқәа Урыстәылаҟа ихынҳәыр ҟалом.
«Урыстәылатәи аҧара Украина аиҭашьақәыргыларазы акрызҵазкәа ресурсхароуп. Урыстәылоуп ашәара зыхәҭоу», – иҳәеит Денис Шмыгаль.
Шмыгаль Украина аиҭашьақәыргыларазы урыстәылатәи активқәа рхархәара иазку 4 шьаҿак дрылацәажәоит.
«Раҧхьа иргыланы, акомпенсациа аҭаӡара шьақәзыргылаша жәларбжьаратәи акомиссиа еиҿкаатәуп. Аҩбатәи – апартниор тәылақәа иҵаау урыстәылатәи активқәа Украина аҭаразы азакәанҧҵара рыҧсахроуп. Ахҧатәи – еизгоу аҧара ахьышьҭарҵаша акомпенсациатә фонд аҧҵатәуп. Аҵыхәтәаны – аконфискациа амҩаҧгареи аиҭашьақәыргылара апроцесс аҧара азоушьҭреи», – иҳәеит Украина аҧыза-министр.