«Зыгәра угаша ашьаҭа ҕәҕәа ҳбаанӡа, Қырҭтәыла аҵакырадгьыл иалганы аконтрабанда иазку аинформациа ахаҵара ҟалом. Уи даараӡа исериозу зҵаароуп», — ихәеит апартиа  «Лело» иалахәы Давиҭ Усуҧашвили.

Давиҭ Усуҧашвили аганқәа зегьы рахь ааҧхьара ҟаиҵеит абри аҩыза азҵаара иаҳа ҭакҧхықәрала иазныҟәарц.

«Ҳаиҳабыра роума, Украина аиҳабыра роума, шәызынтәгьы сшәыҳәар сҭахуп  абри аҩыза азҵаарақәа иаҳа ҭакҧхықәрала шәрызныҟәарц, аҭагылазаашьа уезгьы даараӡа ицәгьоуп. Қырҭтәыла дарбанызаалак аӡәы абри аҩыза ак ҟаиҵеит ҳәа ихасҵом.  Ашаҳаҭгақәа цәырыргааит, мамзаргьы, ари аинформациа мап ацәыркааит, абри ауп сара исҭаху. Ахарадҵара иқәзыргылаз  ашаҳаҭгақәагьы цәыригароуп. Ҳаиҳабыра ари аинформациа мап ацәыркуеит, абри зегьы мцуп ҳәа рҳәеит. Абри аҩыза аҭагылазаашьаҿы ахара иқәзыргыло аган роуп ашаҳаҭгақәа рцәыргара зыхәҭоу. Ишыҟазаалакгьы, ари азҵаара излауа ала ирласны еилкаазар сҭахуп», — иҳәеит Давиҭ Усуҧашвили.