Чехиатәи ареспублика асенат Украина Урыстәыла ар имҩаԥнаго агрессиа украинатәи ажәлар ргеноцид ауп ҳәа аԥхьаӡеит. Ари атәы аарыцҳаит украинатәи аихқәа Прага, Украина ацҳаражәҳәаҩ Евген Перебиинис иҟынтә адырра ҵаҵӷәыс аҭаны.

„Чехиатәи ареспублика асенат Украина Урыстәыла ар имҩаԥнаго агрессиа украинатәи ажәлар ргеноцид ауп ҳәа аԥхьаӡеит. Арезолиуциаҿ ишану ала, Чехиатәи ареспублика Украина абџьар аҭареи Украина Евроеидгыла алаларазы атәыла кандидат астатус анашьареи рыдгылоит“, – иҩит ацҳаражәҳәаҩ “Твиттер” аҿы.

Чехиа асенаторцәа ражәақәа рыла, Урыстәыла Украина имҩаԥнаго агреси ала жәларбжьаратәи агуманитартәи зини жәларбжьаратәи аконвенциеи еиланагоит.

Асенат украинатәи ақалақьқәа – Бучеи, Бородианкеи, Ирпени Мариуполи рҽы урыстәылатәи ар имҩаԥыргаз атерори, зықьҩыла ауаа рышьреи рдепортациеи ирҿагылоит.

Лаҵара 10 рзы Лиетуватәи Сеимгьы шьақәнарӷәӷәаз арезолиуциаҿ ишану ала, Украина аҭыԥ змоу ахҭысқәа агеноцид ауп, Урыстәыла-атероризм иадгыло имҩаԥнаго ҳәынҭқарроуп.

Абри еиԥш арезолиуциа аднакылеит Естониа апарламентгьы.