Азербаиџьан аинформациа ала, «амҩа зцәеилагаз ашәамахь аибашьцәа ари атерриториа иалымҵкәа, аибашьратә позициақәа еиҿкааны аҵыхәтәантәи амшқәа рзы, апровокациатә диверсиатә ауранагӡара мҩаҧыргон аҭыҧаҿы азербаиџьантә ган аҟынтә атәылауаҩратә маҵзура назыгӡо ауааҧсыра ирҿагыланы».  Бақәа ишаарыцҳаз ала, ашәамахь аибашьцәа имҩаҧыргаз ажәылара аан иҭахеит 3ҩык азербаиџьантәи аруаа.

Ереван ишарыцҳаз ала, азербаиџьантәи арбџьармчқәа  Гадруттәи анхарҭатә пункқәа рхырхарҭала апровокациақәа нарыгӡоит. Шәамахаьтәыла адәныҟатәи аусқәа рминистрра аҳәамҭа инақәыршәаны, абарҭ апровокациақәа  аимак ҭыҧаҿы аурыс ҭынчрачаҧаҩцәа рыҟазаара иаҿагыланы имҩаҧган. Ереван ишарыцҳаз ала, Азербаиџьан амца аанкылара иазку аиқәшаҳаҭра еиларгоит.  Шәамахьтәыла аофициалтә хаҭарнакцәа Минсктәи агәыҧ аҟынтә  иаҳәоит абарҭ ахҭысқәа ирықәҿырҭырц.