Австриа адәныҟатәи аусқәа рминистр Алеқсандр Шаленберг иҳәамҭала, Евроеидгыла алидерцәа, Евроеидгыла алахәызаара иазкны аиҿцәажәарақәа ралагалазы аӡбара адкылараан,  Украина  Балкантәи атәылақәа раасҭа иаҳа  аҧыжәара арымҭароуп.

Шаленберг ари аҳәамҭа ҟаиҵеит аҭыжьымҭа  „Фаиненшел Таимс“ аинтервиу анеиҭоз.

Австриатәи адиломат ишиҳәаз ала, урыстәылатәи анырра арҧсыҽразы, Украинеи Босниа-Герцеговинеи европатәи ақәыҧшылараҿ рыҽдырҕәҕәароуп.

Шаленберг ишазгәеиҭаз ала, ари азҵаараҿы тәылак аҧыжәара аҭара ҟалом, уи агеостратегиатә катастрофахоит.

Иара ишазгәеиҭаз ала, ари азҵаара иазку адискуссиа ииашоу ахырхарҭала имҩаҧысуеит.

„Шәааи, 20 шықәса ҳаӡбара иазыҧшуа арегион даҽа ҧынгылак азықәҳмыргылап. Албаниа аҧыза-министр ишиҳәаз еиҧш, ари арегион ҳара ҳҟынтә иахәҭоу хшыҩзышьҭра аиурц азыҳәан Балканқәа рҿы хымҧада аибашьра иалагароума?“, – иҳәеит Шаленберг.

Австриатәи адипломат ишиҳәаз ала, Австриа аҩ-хырхарҭак рахь еиҧшу ажәанҵақәа дәықәҵазар аҭахуп.