«Ауаа ианмаҷугьы акциа алахәылацәа амҩа аркра рыбжьазго ауааҧсыра аарҧшызаауеит», — иануп Аҩныҵҟатәи аусқәа рминистрра аҳәамҭаҿы.

Аҩныҵҟатәи аусқәа рминистрра апротесттә акциақәа реиҿкааҩцәеи рылахәылацәеи рахь ааҧхьара ҟанаҵоит азакәан аҳәаақәа ирҭымҵырц.

«Ишдыру еиҧш,  мшаҧы 15 инаркны апарламент аҧхьа апротесттә акциақәа мҩаҧысуеит,  аха,  уи адагьы,  апарламент ахыбра иаҧну аҵакырадгьылаҿ акциа алахәылацәа еиуеиҧшым аныҟәарақәа мҩаҧыргоит,  уи атранспорт аиҭаҵра иаҧырхагоуп. Ауаа рхыҧхьаӡара инақәыршәаны,  Русҭавели имҩаду аҿы атранспорт аиҭаҵра ааныркылоит. Аҵыхәтәантәи амшқәа рзы апарламент ахыбра аҧхьа имҩаҧысуа акциақәа рҿы ауаа маҷхеит,  убри аҟынтә амҩа аркра ахымҧадара иҟам,  аха,  акциа алахәылацәа,  хықәкыла автомобилтә мҩа аркра рҽазыркуеит. Уи атранспорт аусура иаҧырхагоуп,   ари аҵакырадгьылаҿ аус зуа ауааҧсыра рзинқәа еиланагоит.

««Аизарақәеи аманифестациақәеи ирызку» Қырҭтәыла азакәан инақәыршәаны, адемонстрациа алахәылацәа рацәамзар,  амҩа аркра ахымҧадара иҟамзар,  хықәкыла атранспорт аусура аҧырхагахара иқәиҭымуп. Акциа аиҿкааҩцәеи алахәылацәеи рахь ааҧхьара ҟаҳҵоит азакәан аҳәаақәа ирҭымҵырц. Ауаа ианмаҷугьы акциа алахәылацәа амҩа аркра рыбжьазго ауааҧсыра аарҧшызаауеит», — иануп Аҩныҵҟатәи аусқәа рминистрра аҳәамҭаҿы.