Акциа алахәылацәа рахь ааҧхьара ҟаҳҵоит   азакәан еиларымгарц,  амчылара зхылҵыр зылшо ааҧхьарақәа ҟарымҵарц, – иануп Аҩныҵҟатәи аусқәа рминистрра аҳәамҭаҿы.

„Ажәлар ишырдыруа еиҧш, апарламент иаҧну аҵакырадгьылаҿ иахьагьы апротесттә акциа мҩаҧысраны иҟоуп.  Иара убас, акциа аиҿкааҩцәа, асоциалтә аҳақәа рхархәарала, ааҧхьара ҟарҵоит автомобилтә мҩақәа хықәкыла рыркразы.

Аизарақәеи аманифестациақәеи ирызку Қырҭтәыла азакәан инақәыршәаны, атранспорт аиҭаҵратә хәҭа хықәкыла аркра иқәиҭымуп, иара убас, иқәиҭымуп атранспорт аусура аҧырхагахарагьы. Апартиақәа рлидерцәеи, акциа аиҿкааҩцәеи алахәылацәеи рахь ааҧхьара ҟаҳҵоит апротест ҟарҵарц закәанла ишьақәыргылоу аформақәа рыла, иара убас, автомобилтә мҩақәа рыркра рҽазырымкырц.

Иара убас, аларҵәара зауз аинформациа инақәыршәаны, акциа алахәылацәа апарламент ахыбра аҩналарҭақәеи аҭыҵырҭақәеи рыркрагьы ргәы иҭоуп.  Атәылауаа зегьы ршәарҭадара ахьчара амзызла,  апарламент ахыбра аҩналарҭақәеи аҭыҵырҭақәеи рҿы игылазаауеит аполициа ахаҭарнакцәа. Акциа алахәылацәа апротест ҟарҵар рылшоит Русҭавели имҩадуаҿ, апарламент ахыбра аҧхьа, иара убас, ашьҭахьтәи аҩналарҭа аҧхьа.

Акциа алахәылацәа рахь ааҧхьара ҟаҳҵоит   азакәан еиларымгарц,  амчылара зхылҵыр зылшо ааҧхьарақәа ҟарымҵарц, – иануп Аҩныҵҟатәи аусқәа рминистрра аҳәамҭаҿы.