Атуризм азы амилаҭтә администрациа Евроеидгыла атәылақәеи Британиа Дуи рҿы зымҽхак ҭбаау амаркетингтә кампаниа иалагоит. Администрациа аинформациа ала, акампаниа мҩаԥгахоит Британиа Дуи, Германтәылеи, Австриеи, Франциеи, Швеицариеи, Польшеи, Норвегиеи, Швециеи рҿы.

Сынтәы, лаҵара инаркны ԥхынҷкәын рҟынӡа, зымҽхак ҭбаау акампаниа аҳәаақәа ирҭагӡаны, европа ақалақь дуқәа рҿы ақәыԥшылара ҷыдақәа еиҿкаахоит.

“Акампаниа ҿыц Қырҭтәыла иазку адыррақәа раларҵәареи аԥхьаӡацтә платформақәа рҿы атәыла апопулиаризациеи ауп хықәкыс иамоу. Акампаниа аҳәаақәа ирҭагӡаны европатәи 32 ақалақьқәа рҿы асоциалтә ҳақәеи, арадиои, ателехәаԥшреи, аподкастқәеи, ашоуқәеи рыла Қырҭтәыла аӡыргара мҩаԥгахоит.

Ароуд-шоуқәа мҩаԥгахоит иашьҭанеиуа ақалақьқәа рҿы: Берлин, Франкфурт, Гамбург, Миунхен, Париж, Лилль, Лион, Осло, Варшава, Вроцлав, Краков, Познань.

Иара убас, British Airways лодонтәи аҳаирбаӷәаза аекранқәа рҿы Қырҭтәыла иазку авидеонҵамҭақәеи афотоколлажқәеи иддырбоит, аҳаирпланқәа рҿы Қырҭтәыла атуристтә потенциал иазку авидеонҵамқәа иддырбоит.

Иара убас Қырҭтәыла иазку астатиақәа «National Geographic» аҿы икьыԥхьхоит. Адунеи аҿы еицырдыруа ачысҟаҵаҩ Џьеими Оливер Қырҭтәыла агастрономиатә туристтә потенциал иазку авидеонҵамҭақәа алаирҵәоит”, – иануп администрациа аланарҵәаз аинформациа аҿы.